Suallarla mənəviyyatımıza açılan PƏNCƏRƏLƏR – 3

Müasir dövrün insanları əvvəlki dönəmlərə nisbətən daha çox problemlə üzləşir. Bu gün ağızdan-ağıza, qulaqdan-qulağa, həmçinin müxtəlif informasiya vasitələrində yayılan yanlış məlumatlar fikirləri qarışdırır, insanları şübhəyə salaraq tərəddüdə sövq edir. Başqa sözlə, şübhə dumanına bürünmüş məsələlərin aydınlaşdırılması, tərəddüdlərin aradan qaldırılması qaçılmaz zərurətə çevrilir. Bunu nəzərə alan müəllif də axirət əzabının mahiyyəti, imtahanda “köçürməy”in hökmü, estetik əməliyyat, saç əkdirmək və bəzənməyin hökmü, İslamda heyvan haqları, hafizənin zəifləmə səbəbləri və yaddaşı gücləndirmə üsulları kimi bir çox aktual və əhəmiyyətli mövzuları Quran və Sünnə işığında, həmçinin bu
mənbələrə sadiq qalan İslam alimlərinin fikirləri əsasında qısa və aydın şəkildə izah etmişdir.

Kitab geniş oxucu kütləsi üçün nəzərdə tutulur.